— 244 —
bekerdja, iaorang poenja toko semoes soeda ditoetoep, tapi sabentar bentar pintoenja diboeka boeat kasi masoek atawa kasi kaloear orang; roepa roopanja iaorang berlakoe begitoe, soepaja orang tiada dapet doega apa jang iaorang lagi berboeat, sabenernja jaorang lagi bagi bagi sendjata pada kawannja jang blon ada sedia itoe barang.
Satoe orang ada keliatan djalan dengen sedikit bongkok lantaran barang jang la bawa ada sanget brat, ia brenti di tiap tiap pintos roema; dari sinar api lentera jang kabetoelan terangken ia poenja moeka, coadjutor dapet kenalken Planchet.
Coadjutor poeter ka djalanan Monnai straat boeat sampe di djalanan pada tepi soengi; di sana ia liat banjak orang orang djalan pergi dateng, masing masing ada berpake mantel item atawa warna aboe aboe, di sebla blakang iaorang ada keliatan mantelnja terangkat sedikit, satoe tanda, iaorang ada bersendjata pedang, sedeng di sebla depan ada keliatan oedjoengnja snapan.
Sesampenja di Pont Neuf (djembatan kasem- bilan) coadjutor dapetken, itoe djembatan soeda ada jang djaga, saorang jang berpake pakean item hampirken padanja.
,,Siapa kau ? menanja itoe orang,,akoe tiada kenalken kau sebagi kita poenja kawan."
,,Oleh kerna kau tiada kenalken kau poenja sobat sobat, toean Louvieres," kata coadjutor dengen angkat topinja.
Louvieres kenalken coadjutor dan manggoet renda.
Coadjutor djalan teroes sampe deket mertjoe Nesle. Di sana ia liat bebrapa orang djalan
