— 22 —
pakean, djadi sama djoega dengen begal."
„Madjoe labrak iaorang," bertreak Bragelonne.
„Madjoe!" treak de Guiche.
„Toean toean!" treak gouverneur, dengen nama Allah, toean toean !"
Itoe treaken tiada diperdoeliken, iaorang kasi lari Koedanja dengen sanget kras. Treakannja gouverneur soeda bikin itoe orang orang Spanjol djadi denger iaorang poenja dateng.
Tiga orang jang masi ada di atas koeda lantes boeroe hampirken ini doea orang moeda, sedeng jang ada di bawa teroesken pakerdja’annja rampas kepoenja'annja itoe orang jang soeda reba di tana, tapi dengen terboeroe boeroe.
Koetika iaorang soeda ada kira kira sapoeloe tindak lagi, de Guiche moelai tembak, tapi ia tembak sala. Orang Spanjol jang menoedjoe . pada Raoul soeda tembaken pistolnja dan Raoul dapet rasa sakit di tangan kirinja, dan koetika soeda ada di depannja, Raoul tembaken pistolnja di betoelan dada moesoenja jang lantes djato tjelentang, koedanja lompat balik dan bawa lari toeannja.
Seabisnja berboeat begitoe Raoul dapet liat ada satoe snapan ditoedjoeken padanja, ia lantes inget Athos poenja pesenan, ia kasi koedanja lompat berdiri.
Snapan ditembaken, koedanja djato njamping dengen tindi Raoul di bawanja. Itoe orang Spanjol lompat boeroe dan dengen gagang snapan ia maoe kemplang pada Raoul, jang lantaran Kedjepit koeda tiada bisa berdaja satoe apa.
Raoul jang liat itoe sendjata ditoedjoeken padanja toetoep ia poenja mata, tapi itoe koetika de Quiche dateng boeroe pada moesoenja,toe-
