— 225 —
„Dan kau toean?” coadjutor tanja pastoor dari Saint Fulpice.
„Akoe, Monseigneur,” kata itoe padri, „ada kenal saorang jang soeda bantoe toeloeng pada satoe prins jang kita kenal baek, ia boleh diangkat djadi kepala dari barisan pembrontakan. Akoe bisa anter ia dateng di sini.”
— „Siapa namanja?”
— „Graaf de Rechefort”
— „Akoe djoega kenal padanja, tapi ini waktoe ia tiada ada dalem kota Parijs.”
— „Ia ada di Casette straat, Monseigneur.”
— „Dari kapan ia ada di sana?”
— „Soeda tiga hari lamanja.”
— „Kenapa ia tiada dateng tjari akoo?”
— „Orang soeda tjerita padanja...., tapi apa Monseigneur tiada nanti djadi goesar, djikaloe akoe oelangken apa jang orang tjerita di loear?”
— „Tentoe tiada, bitjara teroes trang.”
— „Orang tjerita Monseigneur lagi berempoek dengen pamerenta.”
Coadjutor gigit bibirnja.
— „Orang soeda tjerita djoesta padanja,” kata coadjutor, „bawa ia dateng di sini pada djem poekoel delapan. Biar Allah lindoengken dalem kau poenja pakerdja’an”
Ini padri jang kadoea manggoet dan djalan kaloear.
„sekarang kau poenja giliran, toean,” kata Coadjutor pada itoe padri jang masi ada; „apa kau djoega bisa kasi sala satoe perkara baek sebagimana itoe doea toean toean jang baroesan?”
— „Lebi baek lagi, Monseigneur.”
— „Setan! kira kira, djangan berdjandji terlaloe banjak, jang satoe soeda djandji maoe
