— 202 —
tiada sempet lagi bela iaorang poenja djiwe. Raoul doega, tentoe abis sama sekali, itoe kreta, koedanja, officier dan soldadoenja serta itoe persakitan djoega. Dengen kaget ia denger satoe soeara jang ia kenal dan satoe pedang besar keliatan mengkredep dan dibatjoken kanan kiri, satoe officier dari barisan musketier boeroe dan pegang Raoul pada waktve ini anak moeda maoe djato pangean.
„Sandieu!“ treak itoe officier, „apa iaorang soeda boenoe padanja? Tjilaka itoe orang orang djikaloe iaorang soeda berboeat begitoe!“ Kamoedian dengen mata mendelik ia awasin itoe orang orang jang ada deket padanja, hingga bebrapa banjak orang jang lebi doeloe sanget ingin toeroet bikin riboet, itoe tatkala soeda djadi beroba pikirannja dan ingin djaoeken dirinja dari sendjatanja itoe officier, marika lari dengen mendesek satoe pada laen, hingga bebrapa orang sampe djato di soengi la Seine.
„Toean d’Artagnan !” kata Raoul dengen soeara plahan.
„Betoel, sandien! ia sendiri dan roepa roepanja beroentoeng boeat kau akoe keboeroe dateng. He! musketiers, mari di sini!“ d’Artagnan bertreak dengen berdiri di atas sangkewedinja, soepaja ia poenja pengikoet jang ketinggalan lantaran d’Artagnan dengen paksa soeda lariken koedanja sanget kras, bisa liat padanja. „Bikin bersi itoe semoea! Mana kau poenja snapan! Sediaken snapan! Toedjoe! Satoe, doea....“
Koetika denger itoe prenta dikaloearken, orang banjak jang itoe tatkala ada sapoeternja Raoul lantes lari begitoe tjepet, hingga d’Artagan tiada tahan hatinja dan djadi sanget geli dan ketawa besar.
