— 14 —
doea ada orang moeda jang keliatannja gaga dan manis roepa dan tingka lakoenja. Graaf de Guiche oemoernja delapanblas taon, djadi ia tiada banjak lebi tinggi dari Raoul jang baroe limablas taon oemoernja
Sepandjang djalan deri tepi soengi sampe di hotel tiada brentinja iaorang awas'n satoe pada laen. Jang satoe pikirken, begimana senang adanja ja poenja pengidoepan di doenia jang ampir djadi poetoes, sedeng jang laen mengoetjap trima kasi pada Allah, ia soeda idoep lama djoega sampe bisa berboeat satoe kebaean, jang tentoe nanti dipoedji oleh penoeloengnja, apabila itoe habar sampe pada A'hos
Tjoema Olivain sadja saorang jang tiada setoedjoe dengen perboeatan toeannja. Ia peres pakeannja jang basa dengen berpikir, seandenja iaorapg tinggal menginep di Compiegne, tentoe tiada perloe ia moesti lompat di soengi, sebab ia sanget kwatir, itoe perkara nanti boleh bikin kamboe ia poenja penjakit reuma iek.
II
Iaorang berdiam di Noyon tiada lama. Semoea tidoer di itoe malem dengen senang. Raoul telah prenta boeat kasi bangoen padanja, apabila Grimaud dateng, tapi itoe malem Grimaud tiada dateng.
Jaorang poenja koeda djoega lantaran dapet rawatan baek dan dapet roempoet kring boeat tidoer, soeda djadi seger kombali, Graaf de Guiche besok paginja djem poekoel lima soeda dibangoenken oleh Raoul. Dengen tjepet iaorang bersantap dan pada djem poekoel anem pagi iaorapg soeda djalan doea mijl djaoenja.
Apa jang itoe graaf bicaraken Soeda bikin,
