— 137 —
toeroet di blakang dari astana Palais Royal, di depan astana het Louvre ia menoenggoe sampe Mylord brangkat dan ia toeroet lagi dari blakang.”
„Tentoe mata matanja Kardinaal,“ kata de Winter dalem hatinja, „kita moesti berlakoe sebagi kita tiada taoe, ada orang toeroet di blakang“
Ia kasi spoor koedanja jang lantes berdjingkrak dan lari tjongklang liwatken bebrapa djalanan menoedjoe ka hotel, di mana ia ada menoempang. Lantaran doeloe Lord de Winter taoe tinggal di kota Parijs deket Palace Royal, maka ia tjari hotel jang pernanja deket itoe tempat.
Lord de Winter sampe di hotelnja dan masoek di kamarnja dengen pikiran maoe prenta orangnja boeat intip itoe mata mata, tapi koetika ia baroe taro topinja dan lagi boeka ia poenja saroeng tangan, ia dapet liat dari katja, di blakangnja ada orang berdiri betoelan pintoe.
Ia balik blakang dan dapet liat Mordaunt di depannja.
De Wister tinggal berdiri dengen bengong, sedeng Mordaunt awasin padanja dengen matanja mendelik sebagi satoe binatang boeas maoe terdjang makanannja.
Bebrapa lama iaorang tinggal berdiri awasin satoe pada laen.
„Toean,“ kata de Winter kamoedian, „akoe kira akoe soeda kasi mengarti dengen terang, akoe tiada soeka kau dateng lagi pada akoe Lekas kau pergi, djikaloe tiada, akoe nanti panggil orang boeat oesir pada kau sebagimana soeda kedjadian di Londen. Akoe boekan kau
