— 100 —
taken lagi, tapi sedeng eatoe Permisoeri Radja ditrima oleh satoe ferdana mantri begitoe roepa apa kita bisa harep djikaloe kita poenja Radja dateng minta toeloeng padanja?“
— „Tapi akoe telah denger ada niatan boeat kasi prins van Wales nika pada prinses van Orleans.“
— „Ja, memang doeloe akoe ada harep itoa perkara. Itoe doea anak anak ada tjinta satoe pada laen; tapi Sri Ratoe jang bermoela boeka djalan boeat ini perkara soeda beroba pikirannja dan hertog van Orleans, jang lebi doeloe berdaja oepaja boeat bikin djadi itoe perkara, sekarang soeda larang ia poenja poetri boeat harep itoe perkara. O! Mylord (di sini Permisoeri aer matanja kaloear), banjak lebi baek melawan teroes dan binasa di medan prang sebagimana akoe soeda doega peroentoengannja akoe poenja soeami, dari moesti idoep dengem mengemis sebagi akoe“
— „Besarken hati kau, njonja, dan djangan ilang harepan doeloe. Keada’an di ini negri, di Mana rahajat negri soeda kasi kenjata’an maoe brontak pada pembesarnja, brangkali soeda djadi satoe alesan, hingga pamerenta maoe bantoe, soepaja pembrontakan di satoe negri jang ada berdamping padanja, bisa dibikin padem, Mazarin ada saorang jang pande dalem oeroesan negri dan. brangkali 1a pikir moesti berlakoe begitoe.“
„Apa kau dapet taoe, tiada ada orang soeda doeloeken bitjaraken ini oeroesan?“ menanja Permisoeri.
„Siapa jang nanti doeloeken ?“ menanja de Winter.
— „Oleh Cromwell, Joyce atawa Pridge.“
— „Satoe toekang bikin bier? satoe toekang
