ADA DOEA!
sekali, entjim,” kata itoe: orang moeda dan dari soearanja bisa didoega bahoewa sadikitnja ia sedeng marah.
Sabentar kamoedian Tjin-tek dateng.
„Entjim dan engko Tjin-tek,” bagitoe Liang-hoen berkata, ,Seng-nio soeda bertoendangan dengen akoe, boekan ?”
„Betoel,” djawab itoe iboe dan anak dengen berbareng.
„Tadi akoe bertemoe dengen akoe poenja satoe sobat. la poenja nama Lim Kim-djin dan ia -bilang, ia soeda bertoendangan dengen kaoe poenja anak prampoean!”
Itoe iboe dan anak tertawa besar !
„Soeda djangan ladenin padanja, ’bah Liang-hoen,” bagitoe iboenja Tjin-tek berkata, „Seng-nio djadi kdoe poenja toendangan dan abis perkara. Apa jang laen orang bilang, kaoe djangan perdoeli.”
Parasnja Liang-hoen djadi terang poela.
„Akoe dapet kepastian, bahoewa itoe orang boleh djadi soeda gila atawa mace memaen dengen tjara jang meliwatin wates, Tapi lantaran ia ada akoe poenja sobat jang paling baek, akoe nanti pergi lagi padanja dan kasi ia masehat, soepaja laen kalih ia djangan memaen tjara bagitoe.”
Tempo Liang-hoen soeda berlaloe, Tjin-tek berkata pada iboenja:
„Akoe rasa soeda tjoekoep temponja boeat bikin abis ini leloetjon.
87
