Halaman ini tervalidasi
DIA ATAWA BOEKAN?
OLEH
TAN KING TJAN
453
I.
DOEA SOBAT.
31 Augustus!
Satoe hari jang rame. Bendera berkibar-kibar dari banjak gedong besar.
Dalem Pasar Gambir keada’an ada lebih rame lagi. Di antara stand-stand orang saling desak dan tjoema bisa madjoe dengen pelahan.
Di antara orang-orang jang koendjoengin djoega Pasar Gambir di itoe hari, adalah doea orang moeda, jang berpakean perlente. Marika poen terpaksa moesti toeroet maen saling desak. Tapi roepa-roepanja marika moelai bosen dan sesampenja di depan satoe restaurant, satoe antaranja berkata pada ia poenja kawan:
„Hoen, lebih baek kita mampir di ini restaurant !“
„Kenapa? Apa kaoe soeda lapar ?”
1
