VIII.
LIANG-HOEN MOENTJOEL KOMBALI.
Maskipoen ia bilang tjoema satoe boelan lamanja ia bakal tinggalken kota Betawie, toch ampat boelan kamoedian sadati marika bertemoe boeat pengabisan kalih, baroe Liang-hoen dan Kim-djin bertemoe poela.
Betoel Liang-hoen poenja perdjalanan ka Sumatra tjoema mengambil tempo satoe boelan, tapi sapoelangnja dari itoe perdjalanan, sesoedanja mengaso tiga hari, ia moesti soeda bikin perdjalanan lagi, hingga ia tida dapet tempo boeat katemoeken sobatnja Sapoelangnja dari perdjalanan jang kadoea, djoega ia tida bisa bertemoe dengen Kim-djin, kerna ganggoe itoe sobat di tempat pakerdja’annja, ia tida maoe, sedeng di waktoe malem, berbeda dari doeloe, Kim-djin Selaloe tida ada di roemah. Soeara gramophoon tida pernah terdengar lagi dalem itoe roemah di waktoe malem dan tida saorang taoe, apa jang Kim-djin sekarang berboeat di waktoe bagitoe.
Bagitoelah sesoedanja ampat boelan baroe marika bertemoe lagi di satoe hari Minggoe. Pertemoean itoe terdjadi di roemahnja Kim-djin, di mana Liang-hoen soeda dateng di
58
