SEMANGKIN DEKAT.
lantes moelai lakoeken pakerdja’annja. Lantaran kemarennja ia dapetken apa-apa jang ia rasa tida betoel, ia laloe minta katerangan dari itoe djoeroe-toelis jang mengoeroes boekoe. Pada djem delapan, itoe toko ditoetoep dan samoea penggawe poelang. Itoe djoeroe-toelis berdiam lagi saprapat djem dan kamoedian Kim-djin kasi itoe penggawe djoega berlaloe, dan itoe waktoe baroelah Siok-nio moentjoel, tapi dengen di’ikoet oleh iboenja.
Dengen itoe iboe dan anak Kim-djin bitjara banjak sekali, tapi ia tida merasa bahoewa orang pantjing padanja boeat tjeritaken ia poenja pengidoepan sahari-hari, tapi lantaran ia tida merasa pernah berboeat apa-apa jang bisa dinamaken satoe kadjelekan, ia tida koeatir apa-apa dan bitjara teroes-terang dan djawab sasoeatoe pertanja’an dengen djoedjoer. Kadang-kadang ia bikin iboenja Siok-nio djadi tertawa besar djikaloe ia tjeritaken hal-hal jang loetjoe dengen sama sekali tida toeroet tertawa. Boleh djadi Sebagi oepah, iboenja Siok-nio prentah itoe gadis ambil thee boeat Kim-djin.
Itoe gadis berlaloe sabentaran dan kombali dengen dianter oleh satoe baboe jang bawa thee dengen bebrapa tjangkir dan doea piring koewe basah.
„Akoe bosen makan koewe kering atawa biscuit, ’bah Kim-djin,” kata iboenja Siok-
54
