SATOE HAL JANG TIDA TERDOEOA.
Bagitoelah satoe pertemoean jang tida terdoega dengen ia poenja chef membikin djalanan terboeka lebar boeat Kim-djin dapetken maksoednja.
Bebrapa hari kamoedian kombali Kim-djin dateng di itoe toko. la dapet liat dengen tegas sekali Siok-nio doedoek di blakang itoe medja jang terkenal, di mana terdapet peti oewang, tapi lekas djoega itoe gadis berlaloe, waktoe ia dateng, tapi tida lama kamoedian kaloear kombali dan menghampiri padanja. Dengen manis itoe gadis tanja ia hendak beli apa dan kamoedian silahken doedoek. Marika tida sempat bitjara lama, kerna iboenja itoe gadis hampirken marika dan laloe ladenin Kim-djin mengobrol. Tida lama kamoedian datenglah saorang lelaki moeda, jang diperkenalken pada Kim-djin saperti Siok-nio poenja soedara.
„Akoe bernama Ong Tjin-tek", kata ia. Kim-djin djadi sanget terkedjoet, hal mana terliat tegas dari parasnja. la bengong sesaät lamanja, tapi kamoedian ia njataken girangnja, bahoewa ia bisa berkenalan dengen Tjin-tek.
„Akoe telah dapet dengar dari iboekoe, bahoewa bebrapa kalih kaoe telah bertemoe dengen akoe poenja iboe dan soedara dan itoe waktoe membri pertoeloengan jang berharga, boeat mana akoe djoega haroes hatoerken trima kasi. Lantaran terlaloe
