TIDA DJADl LEBI TERANG.
doea orang jang parasnja bagitoe mirip satoe pada laen? Satoe tjangkriman jang Kim-djin rasa soesah boeat petjahken, djikaloe ia tida dapet bantoeannja Liang-hoen, dan sekarang itoe sobat hendak brangkat ka Sumatra boeat bebrapa minggoe lamanja. Samentara itoe ia moesti bekerdja sendiri sadja. Lebih djaoeh ia merasa tida terlaloe senang boeat minta bantoeannja Liang-hoen, kerna ia koeatir Liang-hoen mendapet anggepan laen. Lagipoen ia belon pernah tjeritaken pada itoe sobat, bahoewa ia mendoega ada lagi orang jang sama parasnia dengen Siok-nio.
Pada Siok-nio ia telah tjeritaken itoe hal, tapi itoe gadis tjoema maen ganda dengen tertawa sadja, saperti djoega ia tida pertjaja itoe tjerita. Ini hal membikin Kim-djin djadi lebi bingoeng lagi.
Achirnja ia meramken mata.
„Persetan !” bagitoe ia berkata sendirian, „akoe perdoeli apa ada satoe atawa sapoeloeh orang jang sama roepanja, asal akoe dapetken satoe jang akoe kapingin dapetken, jaitoe Siok-nio. Jang laen, kaloe betoel ada, laen orang boleh ambil.”
Sesoedanja berpikir bagitoe ia bisa poeles !
„Boelan Poernama” No.13.
36
