„DIA. . . .”
„Akoe sabetoelnja soeda bosen, Siok !” bagitoe itoe orang toewa berkata. „Akoe bosen dan tjape !”
„Abis akoe moesti pergi dengen siapa, iboe ? Engko Tjin-tek tida maoe pergi; ia bilang moesti oeroes rekening-rekening, kerna abis boelan. Djikaloe akoe pergi dengen laen orang, tentoe koerang baek ; lagi djoega siapa jang nanti adjak padakoe ?”
„Kita boleh pergi laen hari sadja, Siok, kaloe akoe poenja tjape soeda ilang. Tadi akoe soeda djalan lebih dari tiga djam, dan kaoe taoe, akoe poenja kaki gampang sekali djadi pegal !’”’
»Sajang akoe soeda panggil deeleman, iboe, dan djoega tadi iboe tida bilang apa-apa,” djawab itoe gadis, tapi dari parasnja sama sekali tida terliat tanda-tanda bahoewa ia menjesal atawa merasa koerang senang mendengar perkata’annja itoe orang toea jang ternjata ada djadi ia poenja iboe. „Lagi akoe dengar ini malem bakal dipasang kembang api jang bagoes Soeda terlandjoer, biarlah kita’ pergi djoega di’sana kita doedoek sadja di restaurant dan djalan-djalan sadikit.”’
„Ja, baeklah, akoe tida ingin membikin kaoe djadi menjesal, Siok !”
Itoe iboe dan anak naek di itoe kandaraiin jang soeda menoenggoe dan sampe di Pasar Gambir tida lama kamoedian.
10
