43
soesa, tetapi loe tida begitoe, malahan loe rongrong. Loe taoe, goea poenja ma jang lahirin goea, tida bikin goea soesa ati sampe begini, masa loe anak laen orang, begitoe brani bikin goea makan ati selama-lamanja? Ada apa goenanja goea kasi loe makan pake? Apa loe kira, goea tida bisa piara boedjang sadja, ada lebi bae seriboe kali.
Kaloe goea kaga kesian, dari doeloe goea soeda kasi loe pegi. Tjoba kaloe loe maen rongrong sadja sama goea, sampe goea djadi pendek oemoer, apa loe kira begitoe gampang bisa ikoet orang lagi Loe soeda djelek, adat loe djahat sampe orang kampoeng namain loe si djahat. Taro loe maoe djoeal diri djoega siapa jang soedi? Goea masi ada, tarolah orang masi endain djoega sama loe, kaloe goea kaga, orang kampoeng kemplang loe mampoes.
Kaloe ada orang prampoean belandja. loe lantas tekoek moeka, goea tida omong tapi goea mengarti, loe tjemboeroean. Apa loe kira semoea prampoean Selam djahat kaja loe atawa anak loe begitoe? Sampe orang takoet belandja kaloe goea kaga di waroeng. Itoe pekerdjaan sama djoega loe sengadja maoe bikin waroeng djadi mati. Kaloe kaga lakoe, apa jang loe maoe makan dan pake ?
Ini roema goea poenja, goea jang bajar sewanja, maoe ada tetamoe sama kaga, itoe goea poenja perkara, loe tida boleh kata begini atawa
