80
TJERITA ROMAN
Mendenger itoe penoetoern dari anaknja, lootia Djoen Kong djadi merasa lemes. Oh, Allah, bagimana ini semoea bisa kedjadian? Iapoenja anak prempoean telah berkendak dan sekarang tentoe sadja moesti bertjere dengen soeaminja, ia poenja anak jang ia pandeng sebagi satoe prempoean soetji. Di mana lootia Djoen Kong moesti oempetken iapoenja maloe terhadep ia poenja pendoedoek? Kaloe lootia Djoen Kong pergi meronda, di blakang ia pendoedoek tentoe aken berbisik satoe sama laen.
„Liat itoe lootia jang anaknja djadi goendik kapitan, tapi blakangan ditjereken lantaran berkendak!”
Kegoesaran jang tadi Djoen Kong rasaken begitoe besar pada kapitan Goat Soe sekarang djadi berbalik toemplek pada Bwee Hoa. Ini semoea ada gara-gara ini anak prempoean jang tjilaka, sehingga namanja djadi ternoda dan ia tida taoe moesti oempetin lagi moekanja di mana lantaran maloe.
„Kaloe begitoe loe lebih baek mampoes!” berseroe Djoen Kong dengen mendadakan dan lantas djoedjoeken iapoenja pistool pada iapoenja anak. Tapi Hong Nio pegang itoe tangan.
„Apa loe soedah djadi gila!” ia kata dan reboet itoe sendjata dari tangan soeaminja,” Invalid template invocation→dja}djahat-
