20
TJERITA ROMAN
waken pada itoe pemoeda jang keliatan kikoek. Tapi maski begitoe matanja Tek Bie meloeloe ditoedjoeken dengen bersinar pada Bwee Hoa. Ini poen dapet diliat oleh njonja Jansen jang teroes menggoda.
„Liat sadja, liat sadja boeat pengabisan kali, Bie,” kata itoe njonja toean tanah,” kaoe moesti taoe, jang Bwee sekarang soedah dipinggit.”
Mendenger itoe goda'an baek Tek Bie, maoepoen Bwee Hoa djadi toendoeken kepalanja. Tapi Bwee Hoa selang satoe sa'at berkata poela:
„Ja, Bie, saja sekarang soedah brenti sekolah. Itoe boekoe jang saja pindjem dari kaoe saja kombaliken dan banjak trima kasih!”
Bwee Hoa laloe berdjalan teroes di ikoetin oleh njonja Jansen.
Tek Bie masih sadja mendjöeblek, matanja teroes ditoedjoeken pada Bwee Hoa jang sesoedahnja berdjalan rada sedikit djaoeh menengok lagi sekali dan berdjalan teroes dengen lebih tjepet.
Kemoedian Tek Bie memandeng pada itoe boekoe jang ada di atas medja, Hall Caine poenja boekoe dengen kedoea tangannja dan ia bajang „Istri jang Kaoe beriken.” Laloe ia pegang itoe boekoe dengen kedoea tangannja dan ia bajangken, bagimana Bwee Hoa poenja djeridji-djeridji jang aloes telah pegang itoe boekoe. Tek Bie te-
