BWEE HOA
105
di djalanan dan terpaksa berdjalan kaki atawa toenggang speda. Sesoeatoe orang Tionghoa jang berpapasan pada boeka topinja pada itoe kapitan, seperti adat kebiasa'an di itoe djaman. Dan siapa jang tida toeroet ini peradatan soedah boleh dipastiken jang ia aken dapetken roepa-roepa goda'an atawa tindesan dari kaptoa.
Tapi kekaja'an doenia, kendatipoen oleh satoe atawa laen kealpa'an dari Iboe alam tida terbagi rata dalem doenia, hingga jang kaja kebanjakan dan jang miskin kekoerangan, jang hartawan tambah ditoempoek, jang miskin tambah digaroek, kekaja'an tida dipacht oleh kapitan Goat Soe sendiri sebagi djoega ia boleh pacht madat atawa garem. Autonja kapitan jang pada waktoe itoe terkenal indah selang brapa lama sadja soedah termasoek barang koeno. Ia membeli jang baroe, tapi laen orang beli jang lebih baroe dan lebih bagoes dan begitoe seteroesnja.
Satoe hari kapitan Goat Soe kombali sedeng pesiar dengen autonja jang paling baroe, satoe auto dengen raam katja dan pantes digoenaken oleh radja-radja. Ia merasa jang di dalem itoe kota tida ada laen orang lagi jang mempoenjai auto begitoe bagoes dan mahal. Tapi sekoenjoeng-koenjoeng satoe auto laen jang dikemoediken oleh satoe pemoeda liwatin padanja dengen
