III SUTAN SARI ALAM
Tasabuik Sutan Sari Alam
Dek inyo juo urang mudo
Bausaho inyo garan
Manuruik kandak dang adiaknyo
Indak sakali duo kali
Diantanyo Puti Payuang Lauik
lyo kakoto Simpang Ampek
Karumah Malin Duano
Sabagai pulo dipikianyo
Inyo indakkan jadi rajo
Indak inyo amuah pulo
Manjadi pangulu di nagari
Di bawah rajo nan labiah mudo
Iyolah Sutan Lembak Tuah
Kamanakan dek ayahnyo
Inyo baniaik nak badagang
Dek itu inyo mulai
Mandakeki Bujang Piaman
Sarato ayahnyo Malin Duano
Inyo juo kurang satuju
Iyo adiaknyo Payuang Lauik
Kan jadi padusi Lembak Tuah
Sabab balain mah pahamnyo
Balain pulo kasukaan
Dek urang Sutan Lembak Tuah
Tau bana inyo garan
Bahaso inyo kan jadi rajo
Manggantikan dang mamaknyo
Tuanku Maharajo Di Rajo
Nan mamarintah kini nangko
Urangnyo iyo agak sombong
Tinggi hati tinggi sangkutan
66
