Sarato Uwaik Bida-sari
Bakato inyo maso itu
Ampunlah ambo Tuanku Puti
Usah lamo tagak di laman
Mari kito naiak karumah
Bakarumun paja-paja beko
Mancaliak Tuanku tagak siko
Maalum kito dakek ka pakan
"Mano bapak sarato uwaik
Usah lah ambo naiak pulo
Kami iyo sabanta sajo
Ambo maajak kakak Sutan
Iyo pai bajalan-jalan
Mancubo kuaik si Balang Candai
Alah ke namuah inyo diracak
Kakak Sutan indaknyo amuah
lyo pai bajalan-jalan
Inyo bajanji jo kak Bujang
Untuak basuo di hari ko
Dek itu ambo manuruik
Malapehkan rangkik rangkik badan.”
Bakato sanan Bidasari
"Naiak juo Tuanku sabanta
Si Bujang baru dicari
Iyo karumah kawan-kawannyo
Lah lupo pulo inyo garan
Inyo bajanji jo Tuanku
Tuanku Sutan Sari Alam
Lah naiak tampak Payuang Lauik
Naiaklah pulo Sari Alam
Tambah tacangang Puti Mudo
Mancaliak rancak alaik rumah
Bakurisi bameja di surambi
50
