VIII. BUJANG PIAMAN JO PAYUANG LAUIK BARANGKEK KA PIAMAN
Kaba baraliah kini nangko
Sungguah baraliah sinan juo
Tasabuik urang di Piaman
Di rumah andeh Malin Duano
Handak baralek tumah kini
Baralek bagadang hati
Dek anaknyo Malin Dunano
Jo Minantunyo Bidasari
Alah mah pulang dari rantau
Bataun-taun inyo ndak pulang
Nan manggadangkan hati bana
Inyo pulang jo anaknyo
Nan banamo Buyuang Pamenan
Si Buyuang ko inyo baru kawin
Jo anak gadih nan rancak
Banamo si Reno Manih
Tantang rang mudo baduo ko
Bak bulan jo matohari
Samo rancak kaduonyo
Samo manih di pandang mato
Sasuai bana jo nemonyo
Dek itu neneknyo nak baralek
Kan diarak kaduonyo
Karumah besannyo di Sungai Limau
lyo mandeh si Bida Sari
Taheran pulo urang banyak
Mangapo garan Bidasari
Indak mambawok yo anaknyo
Karumah inyo sandini
Kok ditanyo tantang itu
Jo galak inyo manjawek
185
