Halaman ini tervalidasi
Nan sarupo iko garan
Banyak maimbau yo nan buruak
Indak doh kurang gadih-gadih
Manggantuang mambunuah diri
Ado pulo nan lari abih
Kok ndak mancari pitih
Jalan sasek nan di tampuah
Dimintak pado yo rang gaek
Elok bapikia bana yo daulu
Sabalun maambiak kaputusan
Ditimbang dibaliak-baliak
Dikana ujuang jo pangka
Usah kawan di kaja sasa
Pikia daulu pandapatan
Sasa kudian ndak baguno.
Pakanbaru 14 April 1983.
Penulis
Selasih
18
