VII. RATOK TANGIH DI PARIK BATU
Galanggang lai rami juo
Bia banyak urang mandanguih
Dek fawan kareh ndak tampak lai
Kecek mangecek alah banyak
Sadonyo rajo ndak katuju
lyo Tuanku Parik Batu
Maambiak paja tu kan manintu
Iyo rang mudo Bujang Piaman
Tapi sedonyo manyabuik pulo
Bukan baitu caro manulak
Paja tu urang masak aja
Inyo tau hargo dirinyo
Indak panah maajak rang main
Diajak inyo amuah sajo
Biapun urang nan maajak
lyolah urang jolong pandai
Bia inyo taruih manang
Lah tigo kali lawan kalah
Baru main inyo sudahi
Inyo pulo nan manyambah
Dek itu urang suko jo inyo
Sambia baraja mancari langkah
Lah ampek hari itu garan
Sasudah inyo kanai tikam
Tadanga urang babisiak-bisiak
Dek inyo alah mah mati
Dek sakiknyo kareh bana
Bia diagiah ubek biso
Tapi sakiknyo indak bakurang
Dibawo pulang dek ayahnyo
Ka Piaman nagari asanyo
160
