VI. HEBOH GADANG DALAM GALANGGANG.
Hari ka tigo tu kironyo
Sasudah sutan Sari Alam
lyo mangecek jo ayahnyo
Tajadi heboh di galanggang
Urang tapakau jo tadanguih
Sabab indak disangko-sangko
Indak manuruik adaik lamo
Dek galanggang tampek basuko
Indaklah tampek babunuahan
Caritonyo itu dangai
Katiko galanggang sadang rami
Bujang Piaman sadang tagak
Maapuih paluah di mukonyo
Dek baru sajo inyo sudah
Main padang jo rajo mudo
Datang Sutan Lembak Tuah
Maajak puto main padang
”Ampun Tuanku Sutan
Tantu ambo lai amuah main
Tapi manantik Tuanku dulu
Manantik sajanak sajo
Dek ambo baru sajo main
Balapeh arak ambo daulu
Sambia mambulang si kinantan
Tuanku sasak alah mananti
Maajak manyabuang dari cako
"Mano ang buyuang Bujang Piaman
Sombong bana ang kironyo
Lah salamo iko mah garan
Galanggang rami tiok hari
Waang dek ado juo datang
134
