— 280 —
„Tida, tida, kaoe djangan koeatir, kaoe tida aken mati, sebab kaloe penjakitmoe dateng lagi, kita tentoe soedah merdika. Akoe aken mengobati poela padamoe atawa kaoe aken beroleh pertoeloengan ijang lebih sampoerna.”
„Anakkoe,“ sahoet Padri Faria „djangan kaoe membikin boedoeh dirimoe sendiri, sebab penjakitkoe sekali ini soedah membikin sehingga akoe tida bisa beringet lagi aken lari."
„Bahoea kaoe sekarang merasa belon sampe koeat, tida mengapa, akoe aken menoenggoe lagi satoe minggoe, satoe boelan atawa doea boelan kaloe perloe. Dalem waktoe itoe kaoe tentoe soedah mendjadi semboeh, segala apapoen telah sedia boeat lari, hanja akoe tjoema menoenggoe sadja waktoenja ijang baik. Djika kaoe telah merasa koeat aken berenang, akoe djalanken niat itoe."
„Akoe tida aken bisa berenang lagi, sebab tangankoe sebelah djadi loempoeh, dan loempoeh itoe boekan boewat semantara tempo sadja, hanja boewat selamanja. Akoe taoe ijang akoe bakal djadi begini, sebab penjakitkoe itoe ada penjakit warisan dari orang toewakoe. Ajahkoe dan Kakekoe djoega matinja lantaran penjakit itoe. Docter ijang membri obat ini padakoe membri taoe jang akoe joega aken mati lantaran penjakit itoe.“
„Docter itoe boleh djadi ija keliroe dalem doegaannja; tambahan poela maskipoen kaoe ada loempoeh, akoe ada sampe koewat aken membawa berenang padamoe.“
„Anakkoe!“ kata Padri-Faria „kaoe ijang ada seorang laoet, kaoe taoe bahoewa sebegimana besar koewatnja djoega orang tida bisa berenang dengen membawa seorang lain, lebih dari deewa poeloeh minuut lamanja. Akoe taoe
