— 760 —
nja barang-barang ijang kaoe beli boewat akoe.”
— „Adoeh, Toewankoe!”
— „Akoe tida mengomel oleh kerna itoe, Toewan Baptistin! hal itoe poen ada dengen sepantasnja sadja; tapi akoe ingin ijang perkara itoe tida nanti djadi lebih besar lagi. Kaoe tida nanti dapet di lain tempat satoe djabatan ijang seperti pada sekarang ini. Akoe tida taoe memaki, djoega akoe tida taoe goesar pada orang. Akoe selamanja kasih ampoen pada orang ijang bersalah dengen tida sengadja, tapi kelakoean alpa dan kesalahan ijangdiperboewat dengen sengadja, akoe tida bisa ampoenken. Perintahkoe tida pandjang tapi terang akoe lebih soeka oelang itoe doewa atawa tiga kali, dari pada melihat hambakoe salah mengarti aken maksoedkoe. Akoe sda sampe kaja boewat bisa dapet taoe, apa ijang akoe ingin taoe, dan akoe soeka taoe banjak perkara. Kaloe akoe dapet dengar ijang kaoe ini omongin akoe, djahat atawa baik, atawa kaoe membitjaraken hal perboewatankoe dan intip-intip kelakoeankoe, kaoe nanti lantas misti pergi dari roamahkoe. Akoe tida taoe membri ingat lebih dari satoe kali pada hamba-hambakoe, dan pada kaoe ini akoe soedah bri ingat. Sekarang kaoe boleh berlaloe.”
Baptistin memanggoet dan laloe berdjalan.
„He!” kata poela itoe Graaf pada hambanja itoe: „akoe loepa bilang padamoe, bahoewa saban tahon akoe ada kasih masoek di satoe bank soewatoe djoemblah oewang aken goena masing-masing hambakoe; siapa ijang akoe oesir, dia tida dapet satoe apa dari oewang itoe, sedang hamba- hamba ijang tinggal tetap padakoe, nanti trima oewang itoe pada sasoedahnja akoe mati. Kaoe soedah bekerdja satahon,
