Halaman ini tervalidasi
— 553 —
berdjoempa, dan sekarang ija boektiken djandjiannja itoe dengen minta maaf pada Gravin, kerna mengantarken orang, sedeng ija sendiri haroes diantar oleh orang lain.
Gravin sahoeti omongan itoe dengen memanggoet pada Albert dan membriken tangan pada Franz.
Semoewa lantas berdoedoek.
Sedeng Albert beromong-omong sama Gravin, Franz melihat koeliling, dan laloe dapet lihat di satoe roewangan satoe nona eilok dan moeda ijang berpakean tjara prampoewan Griek. Di belakang nona ini, di tempat goeram, ada doedoek seorang lelaki ijang tida kalihatan moekanja.
Franz menanja pada Gravin, kaloe-kaloe Gravin kenal sama itoe nona eilok.
Aken disamboeng.
