— 482 —
— „Apa pada kepala itoe ada barang apa-apa ijang bagoes atawa ijang adjaib ?"
„Dengerlah!" kata poela Gaëtano dengen soewara perlahan: „Tapi saja tida taoe, apa benar atawa tida kabarnja orang."
Dan sambil berkata begitoe, ija menengok koeliling, seperti koewatir kaloe-kaloe ada orang lain ijang dengeri ija mengomong.
— „Begimana adanja kabar itoe ?" kata poela Franz.
— „Orang bilang, itoe kepala ada tinggal di dalem satoe astana ijang ada di dalem tanah, dan astana ini amat bagoesnja."
— „Ini ada satoe dongeng atawa tjerita boeroeng!"
— „Boekan dongeng, Toewankoe! hanja barang ijang sebenarnja. Si Cama, stuurman kapal San Ferdinand, soedahtaoe sampe ka astana itoe dan keloewar kombali dengen merasa heran sekali; ija berkata, „tida ada harta ijang melebiken dari di astana itoe," kaloe boekan adanja itoe di dalem dongeng."
— „Hm-hm! kaloe toeroet omonganmoe, akoe ini nanti masoek ka dalem satoe goewa, sebegimana itoe goewa ijang terseboet di dalem hikajat Ali-Baba?"
— „Saja mengabarken sadja pada toewankoe, apa ijang orang telah tjeritaken pada saja."
— „Kaloe begitoe, kaoe rasa baik akoe trima ini oendangan?"
— „Saja tida brani bilang apa-apa di dalem hal ini. Toewankoe biar berboewat sadja apa ijang di rasa baik oleh ingatanmoe sendiri."
Franz berpikir sebentaran, laloe merasa di hati, bahoewa seorang ijang begitoe kaja, tentoe sekali tida nanti maoe
