— 459 —
leh soepaja nama kita, tida djadi bernoda. Bekerdja dengen radjin dan dengen harepan besar, anakkoe! Biarlah kaoe serta iboemoe dan soedaramoe mengambil sadja sekedar ijang perloe aken hidoep, soepaja oewangnja orang-orang ijang membri oetang padakoe, boleh dateng terkoempoel kadalem tanganmoe. Ingatlah, bahoewa pada soewatoe hari kaoe nanti merasa amat enak di hati, dan bisa berkata: Ajahkoe telah mati sebab ija tida bisa berboewat apa ijang akoe berboewat di ini hari ;tapi ija mati dengen senang, sebab pada waktoe ampir mati, ija taoe dengen pasti, bahoewa akoe nanti bajar impas sekalian oetangnja."
„Tapi, Oh, ajahkoe! ajahkoe!" kata Maximiliaan : „soekoe, sekali, kaloe kaoe boleh tinggal hidoep!"
„Kaloe akoe tinggal hidoep, semoewa djadi tjilaka," kata poela toewan Morrel: „kaloe akoe tinggal hidoep, orang tida nanti pertjaja lagi padakoe dan orang bentji padakoe; kaloe akoe tinggal hidoep, akoe djadi sadja seorang lelaki ijang tida pegang djandji, dari sebab tida mampoe berboewat kawadjibankoe; pendeknja, djika akoe tinggal hidoep, akoe djadi seorang boesoek. Sebaliknja, kaloe akoe mati maitkoe djadi maitnja seorang baik ijang bertjilaka. Kaloe akoe tinggal hidoep, sobat-sobatkoe semoewa tida nanti
soedi kenal lagi padakoe; kaloe ake mati, semoewa marika itoe nanti antarken akoe ka pakoeboeran dengen berdoeka hati. Kaloe akoe tinggal hidoep, kaoe nanti merasa maloe, kernakaoe djadi anakkoe; kaloe akoe mati „kaoe nanti bolehangkat moekamoe dan berkata: akoe ini anaknja seorang ijang soedah memboenoeh diri, sebab ija terpaksa moendoer dari kawadjibannja aken pertama kali."
