67
TONG TIAUW, dan itoe TAN SIOK TAT, ada pegang pangkat TAIJ TIONG sama Radja TONG TIAUW KOTJOUW LIE TJAN, itoe waktoe KOTJOUW ada kasi percent daon Tee jang nomor 1.
SIOK TAT, terima tiada berani makan, maka lantas Radja menanja apa sebab, menjaoet SIOK TAT ija sebab hamba poenja iboe ada poenja penjakit, badan nja ada koerang koewat, dari itoe kaloe toewan Radja soeka kasi hamba minta bawa poelang, boeat kasi iboe hamba makan, abis bitjara bertjoetjoer la aer mata nja.
Dan Radja KOTJOUW liat begitoe alem SIOK TAT ada oehauw, maka radja lantas berkata kaloe Keng, (angkauw) ada poenja iboe baë la bole kasi, dan laen lagi bole ambil kasi peracent pada iboe moe.
FATSAL 76.
Tjerita TJOEI SAN LAM tempo keradjahan Tong Tiauw, dan TJOEI SAN LAM poenja TJOUW BOE, (Enma kia-ie) TONG IIOEDJIN soeda toewa tiada poenja gigi SAN LAM masi ketjil saban hari iboenja abis mandi dan bersisir pegi di petengahan roema, kasi martoewanja, minoem tete, dan martoewanja berapa taon sebidji nasi tiada makan, Tjoema minom tete mantoenja dan Badannja tingal gaga, kaloe SAN LAM maoe minoem tete iboenja, dan iboe San Lam misti kassie martoewanja minom tete lebe doeloe baroe kasi anaknja minom.
Dan itoe hari SAN LAM poenja TJOUW BOE dapat sakit lantas berkata ini hari kami tiada bisa balas mantoe poenja boedi berapa taon kasi kami minoem Tete harap kami poenja anak tjoetjoe bijar ingat balas mantoe poenja boedi, maka ini tjerita di masoeken di dalem kitap Dji Si Hauw.
FATSAL 77.
Tjerita TIO GO ampoenja bapa bernama TJIOE TJOAN
