48
KHO TENG, dan itoe Matjan laloe dari sitoe teroes lari masoek kedalem oetan.
Dan KHO TENG dapet itoe mendjangan, dengen sigra bikin daging nja masakin kasi iboenja makan: baroe laen dagingnja bikinin dengdeng dan iboenja poenja penjakit lantas djadi bae.
PATSAL 51.
Tjerita TJIOE LO TJAIJ TJOE, dengan soedjoet merawatin pada iboe Bapanja: soengoe dia ada miskin sekali, tapi belon taoe bikin iboe Bapanja kesel hati, selamanja dia bisa bikin iboe Bapanja poenja kesoekahan hati, ada apa djoega di poenja makanan, kendati sedikit dia bawa poelang, boeat kasi iboe bapanja makan dengen bisa kasi kehormat-an beloetoet 2 tangan kasi sampeken pada iboe Bapanja sampe soeka hati, kaloe dia berjalan di depan iboe Bapanja tentoe dia djalan beloetoet, serenta kasi moeka manis, TJIOE LO TJAIJ TJOE, soeda 70 taon, masi bitjara belon toewa masi pake badjoe ngotjaij badjoe kembang dia andein dirinja seperti anak katjil, sering-sering kali di degan iboe Bapanja dia tjokek bermaen waijang Seperti wajang anak-anak, bikin iboe bapanja tertawa, kaloe dia pegi pikoel aer sampo di petengahan roema dia sengadja melaga bikin djato terbalik tahang aerdja dengan dia melaga djato bergoeling di aer, soperti anak ketjil dengan menangis bikin iboe Bapanja tertawa terpingkel-pingkel tertawa liat anaknja poenja tingka.
Ini ada seorang jang pinter kasi keloewar ini satoe tjerita, dji si hauw.
FATSAL 52.
Tjerita tempo keradjahan Merk SOEIJ TIAUW ada seorang, bernama HOWA TJOE, perkara merawatin, dan
