46
datang maoe tjari Bapa dan ini satoe wesio berpikir ini orang Boen An Djin, maoe tjari Bapa, dan sama ONG SHOEN satoe kampoeng, tantoe dia kenal ini orang lantas masoek bri taoe pada ONG SHOEN,
Dan ONG SHOEN pegi keloewar liat itoe anak moeda, tiada ada kenal anak siapa itoe, laloe menanja angkauw maoe tjari Bapa kauw siapa namanja, ONG GOAN menjaoet Bapa hanba, namanja orang pangil ONG SHOEN,
Dan ONG SHOEN lantas pangil nama anaknja poenja nama laloe berdoea bapa anak sering pelok menangis, laloe adjak Bajanja poelang laki bini anak Bapa koempoel kombali di belakang kali anak tjoetjoenja banjak jang dapat pangkat djadi orang besar.
FATSAL 49
Tjerita THIONG YOE alias Tjoe Louw ada djoega namanja orang pangil Khoei Louw, nabi Kong Hoe Tjoe poenja moeril waktoe koradjahan Tjioe Tiauw.
Dan TJOE LOUW ada telaloe miskin sekali, saoemoer dia tiada laen makan nasi sama sajoer dedaon-an masi ada poenja iboe soeda toewa, kaloe maoe beli beras misti pegi bli ada sepoeloe pal poenja djaoe, dan pangoel beras bawa poelang boeat piara iboenja, sijang hari malem tiada taoe melantjong, kanan kere dengen toengoein djaga iboenja malengkan dia poenja pentjarian boeat dia poenja idoep menolak kahar gerobak, mboat beras of padi, dan kawan-kawannja kaloe waktoe. beranti pada doedoek makan, tjoema TJOE LOUW saorang menarik napas, ingat niat maoe makan, selempangin iboenja tiada orang bawain beras.
Maka dari itoe nabi alem betoel TJOE LOUW ada pande boeat mehormatken iboe nja, maka nabi bilang kaloe maoe oehauw merawatin orang toewa, misti di waktoe masi idoep, kaloe soeda mati tinda bergoena,
