26
lantas potong, ini pelatoeran soeda di telapin begitoe roepa.
Dan Lie Goh itoe waktoe oemoer 15 taon, dapat liat ada mantri Radja datang maoe komisi, dan Lie Goh taoe Bapa nja sepoe itoe pekakas belon bisa baë saking kerena ketakoetan Bapa nja dapat oekoeman potong, lantas Lie Goh lompat kedalem koewali sepoean, dengan lekas itoe koewali sepoean loemer keloewar emas, dan Lie Goh mendjadi mati sama djoega badan mendjadi emas dan Bapa Lie Goh poengoettin berapa banjak dapat emas belaksa tail, maka itoe di masoeken dalem kitap Lie Goh ada satoe anak prawan Tjinta sama orang toewanja.
FATSAL 28
Tjerita ada satoe orang Siok Tong, djadi orang telaloe baë dengan sabar hati ada telaloe tjinta bisa toeroet iboenja poenja kemaoean tempo itoe waktoe Siok Tong penja iboe kaloe makan aer dia misti paksa ananknja pegi tjariin Kang Sim tjoei (di kali poenja tenga hati aer)
Maka dari itoe Siok Tong ada satoe anak denger kata, tiada berani melangar iboenja poenja perinta, dan bawa satoe praoe ketjil pegi tjari itoe aer hati kali dimana bisa ada lantas Sampe di Sama tenga ketamoein ada keloewar satoe batoe besar dimana tenga kali da pegi ambilin di sitoe poenja aer ada beda bening sekali laloe bawa poelang Sampe di Roemanja kasi iboenja makan, selamanja iboenja tingal seger, dan itoe Batoe djoega Sampe sekarang masi ada di tenga kali di namain hauw Tjoe Sek (tjio).
FATSAL 29
Tjerita tempo keradjahan Goan Tiauw, ada satoe orang bernama Lie Tiong, ketjil-ketjil soeda die tingal mati ole Bapanja siang hari malem merawatin iboenja den-
