23
lantas kasi 4 potong, kaijoe bilangken ini obat kaijoe godok di arak, abis kasi minoem.
Dan Siok Kiam samboetin, bebalik liat itoe orang kaget ilang tiada taoe dimana tempat tingalnja dan itoe obat kaijoe di bawa poelang kasi obatin iboenja djadi baë, di belakang kali, baroe orang dapat taoe Siok Kiam satoe anak soedjoet hati tjinta iboenja maka orang satoe kampoeng tersihjarken, masohorken Siok Kiam pоenja nama, djadi antero orang hormatin padanja,
Fatsal 24.
Tjerita, tempo keradjahan Song Tianw ada satoe orang She Lie nama Tiong Soe, ada poenja satoe Anak prampoean bernama Liang Tjoe di Tjin Kong Djin poenja orang, dan ampoenja Bapa dapat sakit
Dan Liang Tjoe sama ade prampoean pegi pasang hio pada Alla tala dengan bilang taoe berkata saija anak Lie Tiong Soe bernama Liang Tjoe, saija poenja Bapa dapat sakit, soeda akan obat belon baë dengan tiada bole makan nasi of boeboer, ini sekarang saija minta pada toewan jang maha koewasa toeloeng kaboelken kasi obat jang baik, dan saija soeka potong saija poenja daging berat kaki boeat tjampoerin boeboer boeat bosat kasi Bapa makan, djika sakitnja djadi baë,
Lantas dapat denger di atas langit kedengeran berapa banjak soewara boeroeng tjowet-tjowet melongok keatas dapat liat ada tiga bintang besar terang sekali seprati boelan of mata hari itoe boeroeng djatoken berapa bidji obat laloe poengoet kasi Bapanja makan djadi badan Tay Sioe (Radja moeda) dapat taoe lantas kasi pracen oewang dengan satoe soerat papan toelis namanja Liang Tjoe ada sajang sekali tjinta orang toewanja, ini ada satoe tjonto satoe anak prawan begitoe boediman sampe sekarang masi masohor namanja wangi.
