18
Fatsal 18.
Tjerita tempo keradjahan Soeij Tianw di tjeritaken ada satoe anak prampoean gantikan Bapanja djadi Soldadoe.
Ada Satoe orang She Hoa nama Koh asal orang siang kioe djin, ada poenja satoe anak prampoean nams Bok Lan, itoe waktoe Bok Lan poenja Bapa dapat sakit tiada bisa toeroet soldadoe pegi, sebab ada datang pangilan, tiada bole tiada pegi dan Bok Lan liat Bapanja dapat pangilan misti ikoet toeroet soldadoe pegi liat keri kanan tiada poenja soedara lelaki apa bole boeat pegi masoek ketamoein Bapanja bilang Hoetjin poenja pangilan misti ikoet soldadoe pegi, dengan Hoetjin dapat ini penjakit keras, di mana bisa pegi kaloe tiada pegi tantoe dapat sala dengan keri kanan tiada poenja laen soedara, malengkan saja sendiri, baë saija sadja gantiin.
Dan Hoa Koh berkata, ia enak angkauw satoe anak prawan dimana bole gantin Bapa djadi soldadoe ikoet pegi selempangin nanti dapat maloe sebab di dalem tangsi lelaki sadja dengan pegi ikoet sampe bagitoe lama 12 taon.
Dan Bok Lan berkata Hoetjin djangan boeat selempang hati soengoe saja anak prawan, tapi Saija mengarti bisa djaga diri dengan baë.
Dan iboe Bapanja pesan kaloe begitoe baë la djangan sampe dapat maloe, lantas sadja Bok Lan berpake pake pakean soldadoe naek toengang koeda, pegi gantiken Bapanja! dalem 12 taon poenja lama, waktoe di pereksa soldadoe dan di bri soerat dari Bapanja poenja nama, dalem 12 taon dapat 12 boekoe antero bapanja poenja atas nama, di dalem 12 taon tinda ada satoe orang bisa dapat taoe Bok Lan prampoean dan temannja tidoer djalan sama-sama poen tiada ada
