13
itoe mantri besar poenja dateng begitoe rame dengan banjak orang kasi kehormatan kapada mantri itoe.
Dan ini iboenja lantas berkata pada anak nja, angkauw poenja orang toea doeloe (énkong en kong tjouw), asal nja orang berpangkat, angkauw ada toeroenan orang baë-baë boekan-ja angkauw toeroenan boedak boedak, sebab waktoe negri ada hoeroe hara riboet, anjoet sampe di sini, sampe Bapa kauw djadi tjina kebonan.
Djikaloe di belakang hari angkanw bisa toeroet seperti itoe satoe mantri ijang bidjak sama di taro enda sekalian anak negri, kasi itoe kehormatan, itoe Ia angkauw poenja orang doeloe-doeloe (kong en tjouw) poenja oentoeng terang tjaija nja kombali, poen bikin terang orang toewa poenja moeka, masohorken nama di kolong doenia.
Dan Tio Tjie ingat soengoe iboe nja poenja perkatahan laloe pegi tjari goeroe sekola (sian seng) pegi beladjar dengan soengoe-soengoe hati.
Ada itoe satoe hari dapet denger Bapa nja lagi meloekoe dengan bekoewat sentak-sentak kerbou nja dan Tio Tjie dapat denger Bapanja poenja soewara, lantas lemparken Boekoe nja ketana laloe menangis.
Dan Sian Seng nja lantas marain menanja kenapa bole begitoe dan Tio Tjie lantas menjaoet saija jang djadi anak orang tiada bisa boewang tenaga piara iboe Bapa, pegi kasi Bapa jang toewa bekerdja sampe begitoe tjape dari itoe saja tida téga bati meliat.
Dan Sian Seng nja alem betol ini anak ada poenja isi peroet peringatan nja ada patoet sekali tantoe di belakang hari djadi orang baik dan sampe Tio Tjie besar dengan tjoekoep sama peladjaran terima kedoedoekan djadi mantri besar pada Radja Tjin.
