9
waktoe boekan moesin aja bagimana bisa dapat ini barang lantas soeros pegi tjari itoe padri tiada taoe kemana pegi nja serta tiada taoe di mana mana tempat tingal nja.
Di belakang kali Seng Hin Kiong poenja iboe Bapa meningal doenia, lantas Hin Kiong menangis kaliwatan, djadi moenta-moenta dara tingal reba soeda sama seperti mait.
Di depan pintoe nja ada 2 poehoen Tong Seng Tjioe kaget lantas toeroen dari atas poehoen, dapat liat roepa nja seperti wali (Hoed) datang toeroen kasi Hin Kiong makan obat, lantas angkatHin Kiong baroe bisa bangoen dan somoea orang sama Hin Kiong bri terima kasi dan itoe (Hoed) lantas ilang, dari sitoe semoea orang mesohorken alem Seng Hin Kiong poenja ketjintahan pada orang toewanja.
Fatsal 9.
Tjerita keradjahan HAN ada satoe anak laki-laki bernama Sih Pauw, tjakap bagoes sama peladjaran, ketjil ketjil soeda di tingal mun ole iboe nja, djadi Bapa nja ada kawin lagi sama bini kedoea ada dapat satoe anak laki-laki, dan ini bini nja ada bentji sekali bengisin pada Sih Pauw, oesir keloewar.
Dan Sih Pauw sijang malem tingal menangis, tiada bisa pegi djaoe, kenjang sekali makan toengkat en sesapoe, ole si enma koalon bengis.
Dan ini si Bapa soeda kena si Pangoda setan bantal, soeda loepa pada anak nja.
Dan Sih Pauw tiada tahan. apa bole boewat pegi di loewaran, satoe hari datang masoek sekali dengen bawa sesapoe, sapoeken di loewaran di mana selagan selagan kaloe liat tiada ada Bapa nja baroe barani menangis tjit aer mata kerana si enma koalon poenja batoe gosok telaloe tadjim ada gosok sadja, sampe si Bapa djadi mara dan itoe hari Sih Pauw lagi menjapoe, lantas
