96
enpe dimana bisa dapet beli itoe boowa LAIJ? dan orang toewa itoe menanja angkauw maoo bikin apa.?
Dan TJIN SOE PHENG kasi tjirita iboe nja dapat sakit maoe makan itoe barang dan orangtoewa itoe berkata kaloe begitoe mari ikoet kami pegi petik dan pegi oendjoekin di tempatnja dan TJIN SED PHENG bilang banjak terima kasi dan pegi ikoet petik boowa poelang, dan kasi iboenja makan lantas djadi baö
Ia itoe orang toewa orang di atas. ataoe dewa toeroen boeat menoeloeng pada TJIN SOE PHENG kerana ada telaloe soedjoet sekali dari itoe maka dewa datang menoeloeng.
Dan ada itoe satoe taon di TJIN KANG ada riboet dan TJIN SOE PHENG podnja Bapa poenja koeboeran ilang oleh di adoek sama soldadoe siang hari malem TJIN SOE PHENG menangis, tjari Bapanja poenja poti mait.
Dan ada boedjang angoen oendjoeken tempat Lobong mait Bapanja. dan TJIN SOE PHENG liat kenalin betoel Bapanja poenja koshoeran njata itoe orang ada soedjoet saijang pada orang toewa sampe begitoe.
Di belakang kali sampe di tangan Kian Liong Koen Hongte, dapat pangkat ki djin.
FATSAL 105.
Tjorita tempo kerdjahan THENG TIAUW waktoe Hongte TOKONG KOEN doedook koradjahan masoek 27 taon poenja lama itoe waktoe ada satoe orang tani toekang sawa bernama LONG KHE HAUW poenja satoe perkara kebaë-an.
LONG KEE Hauw itoe ada telaloe miskin sekali malengkan berkoeli kerdja sawa ada telaloe soesa idoop melarat piara iboenja. dan ampoenja bapa soeda mati tingal iboenja dengan bininja bertiga idoep telaloe melarat saban hari maoe di bilang tiada ketjoekoepan makan. {nop}}
