86
kiderin kota dan TJOE HOA banjak boeat soesa hati kesel sekali, lantas bitjara pada bininja TJI SI berkata kawan soldadoe belandar kaloe sampe dengen keras koeroeng ini kota, tantoe dia bakar ini sedalem kota abis segala batoe-batoe djoega tiada ketingalan, kita poenja roema, toeroenan SIH HAUW GI (roema toeroenan oehauw) kaloe Sampe dapat itoe ketjilakahan soda tamtoe dengan toelisan.
maka sebab kita anak mati. sebab dari iboe Bapa djika anak oehauw. bini mati sebab dari laki. itoe terpoedjie prampoean moelia hati jang soedjoet Tiong (Gr) maka itoe terseboet Hauw GI TAI TJIAT kita orang berdoewa laki bini dapat terpoedjie nama apa lagi, lantas toelis soerat dara di tembok dengan sedi, lantas ambil api sindirinja bakar laki bini mendjadi mati, dan itoe waktoe anaknja dari kampoeng djalan poelang liat iboe Bapanja soeda mati, di atas tembok ada soerat dara semoea orang liat pada alem betoel TIONG HAUW poenja bitjara, semoea orang pada goijang kapala dengan betjoetjoer aer mata dan apa lagi anaknja telaloe sedi, di waktoe HONGTE SOENTI KOEN ko 10 taonnja dapat terima pangkat TJIN SOSE POUW TAIJ LONG dan TJOE HOA di bari pangkat KONG LOK TAIJ HOE. TJI SI IT PIN HOE DJIN.
FATSAL 98.
Tjerita satoe anak HAUW TJOE tempo To Kong koen 27 taon, boelan toedjoe (Tjit goee) ada monompang di roemahnja, Thio Siok Bie. Sian Seng poenja pondok ada telaloe miskin idoep melarat, bersama iboenja dan bininja djadi 3 orang, tiap-tiap hari makan tiada tjoekoep, dan kaloe dia kasi iboenja makan nasi sampe kenjang kaloe dia berdoewa bininja makan boeboer sesampe-sampenja, dan itoe sewaktoe kepoetoesan beras tiada bisa kasi iboenja makan nasi apa bole boeat lantas bawain boeboer kasi iboenja makan dan iboenja poenja
