Halaman ini tervalidasi
Sair Oedjan Aboe.
———♦———
Krakatau petjah goenoeng Karang,
Apinja lompat, sorotnja terang,
Boenji geloedoek sangkanin perang,
Manoesia mati beriboe orang.
Krakatau petjah berasap aboe,
Karangnja lompat, goenoengnja roeboe,
Di mana negri pada keleboe,
Manoesia mati boriboe-riboe.
Aer laoet naek di darat,
Allah ta'ala kirimin soerat,
Jang mana mati pada melarat,
Aernja datang dari acherat.
Krakatau petjah geledak geledoek,
Karangnja lompat sangkanin bedoek,
Banjak manoesia lah pada iboek,
Boemi tergerak sangkan geloedoek.
Pantoen karang-karangan. 1
