54
Trang boelan trang di kali,
Boewaja timboel disangkan mati,
Djangan pertjaja moeloet lelaki,
Brani soempa lah takoet mati.
Rame rame ka Batoe ampar,
Tida saja ka Djawa lagi,
Boemi ditepok langit ditampar,
Saja tida pertjaja lagi.
Apa ada di dalem boekit,
Kembang tjempaka dalem tjoenia,
Siapa bikin atikoe sakit,
Api noraka bagian dia.
Rimbas rimbas si kajoe rata,
Padi rakit makanan koeda,
Saja ini maoe berkata,
Sakit ati apa obatnja.
Oeribang mèranja dadoe,
Djato di loempoer mèranja koerang,
Sakit soenggoe badan dimadoe,
Rasa di soemsoem teroes di toelang.
55
Anak Tjina bertjatjing kepang,
Doedoek di bale belah ketapang,
Mentang saja orangnja gampang,
Maoe dirangkep sebagi benang.
Kaloe begini naga naganja,
Daon doedoek di atas peti,
Kaloe begini rasa rasanja,
Dari idoep baëan mati.
Anak djaksa nama Saeran,
Pande sekali maen lajangan,
Soedah biasa dengan lah toeman,
Lepas di kiri tangkap di kanan.
Koewe boeloe di dalem doelang,
Koewe roti dalem tetampa,
Dari doeloe lah saja bilang,
Setenga ati diboewat apa,
Iris koewini lah tiga iris,
Boleh dimakan berasa manis,
Atikoe ini digoda iblis,
Kena penggoda moeloet jang manis.
