18
Bikin petjoet bekas di raoet,
Orang mereboes si daon pandan,
Ikan tjoetjoet djadi sekaoet,
Ikan gaboes djadi adjidan.
Orang mereboes si daon pandan,
Dari Tjideng pegi di Padang,
Ikan tjoetjoet djadi sekaoet,
Ikan bandeng djadi kommandan.
Dari Tjideng pegi di Padang,
Pentang tali di kantor palis,
Ikan bandeng djadi kommandan,
Ikan sesili djadi djoeroetoelis.
Pentang tali di kantor palis,
Potong kole terpata- pata,
Ikan sesili djadi djoeroetoelis,
Ikan Iele djadi mata-mata.
Potong kole terpata-pata,
Bikin daon bekas di ler,
Ikan lele djadi mata-mata,
Ikan wadon sampe mengiler.
19
Bikin daon bekas di ler,
Potong kenari di tengah sawa,
Ikan wadon sampe mengiler,
Ikan doeri sampe tetawa.
Potong kenari di tengah sawah,
Orang mengorek si koewe kerak,
Ikan doeri sampe tetawa,
Ikan peperak pada bersoerak.
Orang mengorek si koewe kerak,
Tepok laler di dalem mangkok,
Ikan peperek pada bersoerak,
lkan selar dateng menengok.
Tepok laler di dalem mangkok,
Petik kembang di pegoenoengan,
Ikan selar dateng menengkok,
Ikan tembang kabingoengan.
Petik kembang di pegoenoeogan,
Sentiong ada koeboeran Tjina,
Ikan tembang kabingoengan,
Sang kiong pake tjelana.
