14
Orang boedjang ma'koewalon,
Pake badjoe tjahjanja boenglon,
Soeka dia djalan ngetan ka koelon,
ltoe dia namanja „balon".
Orang boedjang lah koerang lakoe,
Harganja moerah lah pantek pakoe,
Diboedjoek lemes lah sampe kakoe,
Tida sekali lah dia mengakoe.
Orang boedjang matanja rèbèk,
Bangoen tidoer mengangon bèbèk,
Kondènja koesoet badjunja robèk,
Awaknja montok tetapi lembèk.
———⇔———
Sair dan Rantjak Ikan.
———⇔———
Anak kepiting mendjepit kerang,
Pasang pelita di atas lankan,
Pasang koeping lah terang-terang,
Dengar tjerita segala ikan.
Pasang pelita di atas lankan,
Bikin loempang si kajoe asem,
Dengar tjerita segala ikan,
Ikan tjoepang lah pada mèsem,
Bikin loempang si kajoe asem,
Beli seré di Pesebrangan,
Ikan tjoepang lah pada mèsem,
Ikan tjetjèré kagirangan.
Beli seré di Pesebrangan,
Koewè mangkok di dalem tenong,
Ikan tjetjéré kagirangan,
lkan hetok lah djadi bengong.
