-64-
Dari sitoe iaorang kaloewar dari itoe kantoor liat-tay dan brenti berkoempoel di dalem satoe lio genteng roesak jang letaknja sedikit djaoe dari kantoor terseboet.
Lian Eng; Lioe Eng, Lee Na, Lee Tjoe dan Giok Kay berdiri berkoempoel mendjadi satoe, sedeng Kong Liat dan Boe Liat berdiri berkoempoel berhadepan sama marika itoe. Oleh kerna masing-masing berada dalem penjamaran hingga tida bisa kenalin satoe sama laen poenja paras moeka jang sedjati itoe toedjoe orang saling pengwasin dengen pengrasahan koerang enak.
„Kaoe orang ini siapa dan berasal dari mana?" moelai Boe Liat.
„Itoelah kaoe orang tida terlaloe penting boewat mendapet taoe, sebab sabagimana baroesan kaoe poenja kawan soeda bilang, kita sama-sama bekerdja boewat satoe maksoed," saoet Lian Eng, „maka kita tjoema haroes bakerdja sama sama boewat sampeken kita poenja maksoed, tapi tida perloe saling berkena lan."
„Ja itoe memang betoel," saoei Kong Liat sembari tertawa; tapi toch sedikitnja kita moesti tjara bagimana kita moesti menjeboet pada kaoe orang berlima?"
„Itoe gampang sekali," saoet Lian Eng sembari bersenjoem, „boleh toeroet sadja bagimana kita orang saling membahasaken satoe dengen laen : akoe Lotoa, ini Lo dji ini Lo-sam, ini Lo soe, dan ini si Bonlot— Longo."
Sembari berkala begitoe, dengen bergantian ia menoendjoek pada Lioe Eng, Lee Na, Lee Tjoe dan Giok Kay.
„Begitoe poen baek," saoet Kong Liat sembari bersenjoem; „dan Lo toa, akoe perkenalken akoe
