-62-
belon bisa ditentoeken, tapi kita bekerdja tida maoe kapalang tanggoeng, dan kita soeda taoe tjara bagimana moesti tjekal kaoe poenja batang leher, dan di hari esok kita maoe liat tjara bagimana kaoe aken berboewat."
Mendenger pembiljarahaniija itoe orang dari satoe golongan sampe di sini, Lian Eng jang mengintip di loewar kamar, kerna itoe orang jang bertoeboe tinggi dan sedikit besar dalem pakean menjamar, kedok itam dan djenggot, memang djoega boekan laen dari itoe gadis gaga, jang dateng bersama laen-laen kawannja, lantas sadja menjelinkar ka satoe tempat gelap di blakangnja satoe poehoen. Baroe sadja ia menampak itoe tetamoe malem lompat kaloewar dari itoe djendela kamar, mendadak ia denger dari sabelali blakang ada soewara tindakan kaki jang mendatengin, dengen tjepet Lian Eng lompat minggir sembari berpaling, dan ia djadi terkedjoet sekali koetika menampak satoe orang jang roman dan dandanannja begitoe mirip sama itoe satoe jang baroe lompat dari dalem kamarnja Phoa Boe Liang. Apa bisa djadi itoe orang ada mempoenjai ilmoe gaib, dalem sakedjapan mata sadja soeda bisa berada di blakangnja ?
Tapi achirnja ia mendapet kanjatahan bahoewa doegahannja kliroe, sebab ini satoe kedoknja boekan belang poetih itam, hanja sabelah poetih dan sabelah itam, hingga terang sekali memangnja ada doewa orang.
„Kaoe siapa dan maoe apa?" menegor Lian Eng sembari bersedia boewat sasoeatoe penjerangan jang tida terdoega.
„Satoe sobat," saoet itoe orang dengen sabar. „Kaoe tentoe soeda saksiken sendiri kawankoe baroesan telah berboewat apa dalem kamarnja itoe ambtenaar kaparat. Nah, 'toe pa dianja mendatengin ka sini"
