-16-
begitoe bodo moesti bakerdja dengen berierang oendjoek kita poenja roepa jang aseli!"
„Ja, ja, entji poenja omongan ada benar sekali," berseroeh Lioe Eng dengen girang; „kita aken memake satoe kedok soetra itam jang dilobangin di bagian kadoewa mata, idoeng dan moeloet, salaennja itoe, kita pake djoega boengkoesan kapala jang biasa dipake oleh orang lelaki, dan koemis serta djenggot palsoe jang biasa soeka dipake oleh anak-anak wajang; malah kita poenja kadoea kaki poen moesti memake sapasang sepatoe tinggi lelaki dengen digandjelin sama kakaenan dan kapas, hingga dengen begitoe orang tida nanti bisa sangka kita siapa, malah iaorang tida bisa doega djoega kaloe kita ada bangsa prampoewan Bagoes! bagoes sekali!"
„Hush!" kata Lian Eng, „djangan bitjara begitoe keras, nanti iboe dapat denger,"
„Goedang Tjerita" Seteroesnja aken memoeat tjerita silat-silat sadja jang terkarang oleh Kwo Lay Yen.
Satelah iaorang mendjadi satoedjoe satoe dengen laen, laloe iaorang kaloewar dari itoe kamar, dan Lian Eng lantas manoelis satoe soerat pada Lee Na dan Lee Tjoe jang boenjinja seperti berikoet:
„Kadoewa hianmoay Lee Na dan Lee Tjoe. Soeda lama djoega kita tida mejakinken kita poenja ilmoe silat, dan sekarang lantaran hawa di moesim semi ada sangat njaman, entji berdoewa mengoendang pada kaoe orang boewat dateng tinggal sama kita di sini, soepaja saban pagi dan sore kita bisa berkoempoel dan sama-sama me-
