-128-
Boe Liat jang iaorang soeda perna liat roepanja dan taoe bagimana kagagahannja. Kok Hiong poen tida kaberatan boewat berbesan pada Kian Wie jang terkenal sabagi satoe ambtenaar boediman.
Blakangan Ong Kee Tjow stelah mendengar apa jang soeda terdjadi dan denger kadoewa poetrinja poedji biaw Seng Liong dan Bang Tay Lioe sabagi pamoeda-pamoeda dan gaga, taoe kaloe kadoewa poetrinja merasa, noedjoe pada itoe doewa pamoeda jang gaga. Sasoedanja iiat bagimana róepanja Biauw Seng Liong dan Bang Tay Loei, Ong Kee Tjouw minta perantarahannja iapoenja engko piauw boewat bitjara pada Biauw Seng Liong dan Bang Tay Loei, apa iaorang soeka dipoengoet mantoe atawa tida.
Itoe doewa anak moeda minta tempo boewat menoelis soerat pada marika poenja orang toewa, jang kamoedian menjataken satoedjoe. Begitoelah achirnja Biauw Seng Liong terangkep mendjadi soewami istri sama Ong Lee Na, sedang Bang Tay Loei sama Ong Lee Tjoe.
Samentara Tan Kong Liat soeda terlaloe sadja sama Yo Lian Eng dan Boe Liat sama Lioe Eng. Satoe rangkepan jang bagoes sekali: sapasang soedara kembar, engko sama entji, ade lelaki sama ade prampoewan!
Blakangan itoe ampat pasang soewami istri idoep dengen roekoen dan manis, kerna ada dari satoe golongan dan satoe tjabang, malah di waktoe iaorang menikah, Tjeng In Nikoh, Tay Pwee Hweeshio, Ong Tjeng Hong dan Tjio Mp Lodjin, semoewa pada dateng menjaksiken itoe oepatjara pernikahan jang dilakoeken dengen berbareng.
T A M A T.
