42
TJILIK ROMAN'S
Song jang amat durdjana. Itu detective ada sebagi djuga setan iblis pedjadjaran . . . . bisa masuk dalem „sarang-sarang” kita buat mengorek-ngorek resia, aken kemudian mengasih kabar pada polisi, tempo² dalem penjamaranja ada suker buat orang dapet mengenalin padanja . . . Siapa tau djuga bangsat itu ada di sini pada malem ini dengen menjamar? Aku sendiri pun, kadang-kadang tida bisa pertjaja lagi pada penggaweku sendiri . . . kalu-kalu di antara marika ada menjelip itu djahanam. Oh . . . kalu aku. dapet berdjumpah sendiri dengen itu bangsat . . . nistjaja aku nanti bikin abis iapunja djiwa dalem tempo sekedjeb mata sadja . . . .”
Peng Tjie lalu keluarken iapunja sapu tangan jang suda bau apek, lalu sekah iapunja keringet jang turun mengutjur dengen deres.
Matanja Peng Tjie djadi beringas, mengeluarken sorot merah padem, satu tanda jang hatinja pendjahat itu ada sanget terbakar. Ia kepel-kepel tangannja jang besar, serta memperlintken iapunja lengan jang berbuluh dan kasar.
„Kalu aku bisa bertemu dengen itu bangsat . . . . tangan ini tentu aken menghabisken djiwanja . . .” berkata ia lagi.
Bwee Hoa bergidik sebentar kutika meliat itu kedua tangan dari itu bandit jang menakutken, kerna tangan itu ada kotor dan penuh dengen darah manusia jang djiwanja suda dibinasaken oleh itu bandit.
„Aku tau semuanja hal ini” kata Bwee Hoa dengen iapun ja suara jang halus seperti burung kenari : „Aken tetapi apatah gunanja kau buat seselan? Itu detective Ho Song memang djuga ada satu iblis, di mana sadja ia bisa muntjul dengen mendadak. Aku denger kabar bahua To Song itu suda tutup iapunja kantoor di Pingchien Road, apatah itu betul? Aku djuga suda tau dengen pasti jang Ho Song itu
