64
Bagaimana ia kemoedian kloear dari itoe roemah ?
Soeda djaoe malem Bob ada denger tindakan orang. Tapi ia kira itoe ada toean Smith, jang memangnja biasa saben malem preksa apa semoea ada beres.
Tatkala ia poenja rasa takoet soeda ilang, ia lantas toeroen ka bawah.
Pintoe roemah seperti biasa ada tertoetoep.
Tentoelah si pemboenoeh telah tjoeri koentji, jang digantoeng dalem kamarnja toean Smith.
Tapi semoea apa dalem itoe kamar ada beres.
Peti peti oewang tida diganggoe.
Bob menengok ka papan, di mana itoe koentji selaloe digantoeng.
Itoe koentji masih ada.
Bob djadi sanget heran.
Dengen tida berajat lagi ia ambil itoe koentji dan toeoren di tangga. Ia boeka pintoe repan, kloeat, dan koentji lagi itoe pintoe, kemoedian ia pergi ka kantor politie, di mana ia dengen tersengal sengal tjeritaken apa jang soeda terdjadi.
Laen laen kantor politie lantas ditelefoon, hingga bebrapa agent politie toeroet sama Bob pergi ka roemahnja toean Smith.
Ampir berbareng pada itoe waktoe djoega ada dateng dengen kreta: Hoofdcommissaris van politie, kolonel Rogers, jang kita soeda kenal dan inspecteur Bernard boeat bikin papreksaan.
Dalem itoe kamar pemboenoean tida ada kakoesoetan barang sedikit. Tentoelah tida ada terdjadi perklaian lebih doeloe. Tjoema tikar didepan tempat tidoer ada sedikit koesoet.
Kolonel Rogers tetapken, bahoea tida ada barang jang ilang.
