- 53 -
boeat Tjan dan boeat... ..dia sendiri, sebab seperti soeda dibilang diatas, Soekmi poenja hati sebetoelnja soeka. Dari sebab itoe, ia djadi tinggal diam sadja.
Itoe tempo Tjan masoek hingga moekanja Soekmi djadi toendoek lebi dalem lagi dan sampe dikoepingnja djadi mera sedeng dadanja berombak dan napasnja sengal-sengal lantaran koeatir tertjampoer dengen pengharepan, jang boeat djadi peroentoengannja selama-lamanja.
Moelain brangkat dari Tjomal memang Tjan soeda tjari pikiran, begimana ia moesti bitjara nanti dihadepannja itoe iboe dan anak, sebab seperti soeda dibilang, pada sang anak, ia belon ada bitjara satoe apa, maka pada si iboe ia djadi soeda berdjoesta.
Ini ia merasa tida enak sekali. Tapi sebalikan ia pikir, mendjoesta boeat satoe perkara begitoe baek, toch tida ada djahatnja.
Koetika sanipe di station Pekalongan, ia minta Bok Darmi naek deeleman djalan lebi doeloe sebab ia moesti naek kretanja Oey Sie Hoen, jang tida loepoet ini toean roema poen dateng djoega di station.
Seblonnja poelang keroema, lebi doeloe iaorang pesiar, dari station ambil djalan Pasar-Anjar, liwat aloen-aloen teroes ka Pontjol sampe di
